A USC vén de realizar un acto de recoñecemento aos mellores expedientes de ensinanza media. Entre eles estaban as alumnas que veñen de rematar segundo de bacharelato no noso IES Cristina Gil e María Otero.
704 estudantes pertencentes a 201 centros de ensino medio de toda Galicia acadaron os mellores expedientes nas probas de acceso á Universidade. En total son 265 rapaces e 439 rapazas cunha nota media de 9 ou máis entre o Bacharelato e a fase xeral da proba de Avaliación de Bacharelato para o Acceso á Universidade (ABAU).
A comunidade educativa do IES dálle os parabéns polo seu esforzo e dedicación durante estes anos que nos acompañaron nesta etapa educativa e desexámoslle boa sorte para os vindeiros proxectos formativos que desenvolvan a partires de agora.

Durante este curso o centro participou activamente xunto cos demais centros da comarca en actividades deportivas que tiñan como obxectivo fomentar valores positivos a través da interacción entre o alumnado dos diferentes concellos da Terra de Montes. Este é o caso do día en que recibimos no noso pavillón aos nenos e nenas dos IES de  Tenorio e Ponte Caldelas
Ademais das propias actividades do departamento de educación física entre as que subliñamos as aulas de primeiros auxilios para o alumnado de 4º da ESO.

O 6 de xuño estivemos en Rianxo o alumnado de 4º da ESO, visitando o contexto no que se desenvolveu a vida dalgúns dos máis relevantes persoeiros das nosas letras. Adentrámonos no mundo mariñeiro e coñecemos os espazos que influíron na súa vida e na súa obra.

Xornada de convivio en Pontecaldelas cos demais centros da comarca para homenaxear ao alumnado participante nas actividades deportivas.

O pasado 25 de maio o alumnado de 2º de bacharelato celebrou a súa despedida do centro cun acto no que lembraron a súa estadía durante media dúcea de anos nos que se forxaron as súas relacións que agora pasan da convivencia do día a día no centro ao inicio dos seus diferentes camiños por separado.

O escritor e veciño de Terra de Montes José Balboa participou hoxe nunha charla na biblioteca do IES Chano Piñeiro para achegar a súa experiencia vital (82 anos) e intelectual (Dúas obras escritas recentemente) na que animou a lectura e a amar a vida ao alumnado de 4º da ESO.

Tivemos a visita de Manuel Núñez Singala, o escritor que nos veu a falar da súa visión do galego como oportunidade. Reflexionamos con el sobre a lingua e moitas outras cousas como é responsabilizarse das propias decisións, pensar por un mesmo, desfacer prexuízos e buscar o ser creativo a hora de dar respostas.