UFFFF!!! VAIA RUÍDO!!!!
De que falarían os noivos de As vodas de Caná no cadro pintado por Veronés? Moi ben non podíamos escoitar: os músicos fretaban os arcos contra as cordas da violas de gamba e así a voz se convertía nun arrolo.
A canto se venderían os xatos en La Romeria do pintor valenciano Sorolla? Ai!!!! Ese gaiteiro... tan ben tocaba a gaita que apampábamos cos seus fermosos maneos!!!
A nosa Biblioteca fíxonos maxia: voces, sons e melodías chegaban desde un tempo lonxano pintado en cada cadro.

O día 15 de febreiro inauguramos na Biblioteca do Chaniño unha Exposicón presentada polo Departamento de Música, a Biblioteca e o Equipo de Dinamización e Normalización Lingüística. Con ela pretendíamos facer visible a importante relación que ten a música co noso día a día: desde como inflúe no noso cerebro e nos axuda coas enfermidades hasta como nos axuda a explicar quen somos como pobo e como persoas. Pero tamén como nos organiza en grupo, como permite un desenrolo económico, como axuda a expresar amor...
A exposición completouse cun repertorio de mulleres pianistas de biografías especiais que nalgún momento das súas vidas se tiveron que enfrontar difíciles situacións, e que sobrepoñéndose ás presións da sociedade do seu momento, foron quen de ser donas da súas vidas e un modelo para moitas outras que nacerían despois. 
Aquí vos quedan algúns murmuios do que escoitamos...

O día 23 de febreiro , o alumnado de 4ºESO - 4ºDiversificación tivo unha charla divulgativa: " As trampas na protección de cultivos" . A responsable de impartila foi Cristina Cabaleiro ( profesora na Escuela Politécnica da Universidade de Santiago )
   Estivo a falar do que fan os técnicos agrícolas para enganar ás pragas

   O Departamento de Lingua Castelá e Literatura desprazouse a Pontevedra, o día 23 de Febreiro cos alumnos/as de 1º de BAC ao teatro a ver  " Entremeses de Cervantes"

   Dentro do Programa Xogade ( deporte na escola) , o alumnado de 1º- 2º ESO  desprazouse a Cotobade  os días  17 e 19 de Febreiro a participar en competicións deportivas: baloncesto, balonmán,voleibol, axedrez, futbol, tenis de mesa e proba cultural

AS CARTAS GAÑADORAS FORON AS SEGUINTES:
 
 Querida Pirucha:       
Síntoo corazón, estiven reflexionando sobre un tema que non podo sacalo da cabeza. Sei que isto vai ser duro para ti, pero non dubides que tampouco será fácil para min. Non quero que esteas mal, nin que deixes de saír e estar cos amigos.
Non te merezo, encontrarás a alguén moito mellor ca min. Pasaralo ben, serás feliz e esquecerasme. Non te botes as culpas de nada, es perfecta, irache xenial sería mellor deixalo, un tempo, para ver si así se me aclaran as cousas, porque sinto moita inseguridade. Moita sorte. Quérote.
 
Un aperta
 
                                                                               ( Dous rapaces a unha rapaza.)
 
 
Ola, meu sol!
Sentíndoo moito; todo chega ao seu final, e isto acabouse.
Sabes que te quixen e o vou seguir facendo, pero non da mesma forma.
Que vaia ben!
 
                                                                              (Unha rapaza ao rapaz )
 
 Soñei cunha vida xuntos, mais non sei, quizais habería que pensalo máis, pois ao final os meus soños non se cumpriron mais sempre seguiremos xuntos aínda que non como me gustaría, pero a pesar de todo quérote como a miña mellor amiga!
 
 
                                                                           ( Unha rapaza a outra rapaza )
 
 
 
 
 
 ​

   O  martes, día 2 de febreiro, a zoóloga Teresa Rodríguez da Facultade de Veterinaria da USC impartiu unha charla divulgativa científica
   Falou sobre poduccións alternativas no agro galego: abellas , miñocas e caracois.

    O pasado 12 de Xaneiro,  con antelación ao día de San Valentín, os  alumnos/as poideron  colocar unha palabra de amor ou desamor , escrita nun post-it,  na árbore que estaba colocada no  corredor da 1º planta.
  Así xurdiron palabras como: confianza, fidelidade, miña neniña, corazón, cielo, amor, quérote, tenrura, humildade, paixón,  morte...
​  E como agasallo pola súa colaboración poderían coller una caramelo que estaba a carón da árbore ,  

   A semana do 01 ao 07 de febreiro, o departamento de francés xunto co alumnado de  1º-3º-4º de ESO e 1º de BAC. adicárronlla  a Candeloria. As actividades consistiron en :
 - Exposicións ( paneis de información coa lenda e tradición da Candelario en Francia ; carátulas de películas que teñan como argumento a cociña, gastronomía e restauración; receitas en francés de "crêpes" de diferentes partes do mundo ; e paneis coas partituras de cancións francesas que fan referencia a Candeloria)
   - Mesa de Photocall ( realización de filloas ).
   - Mesas/ Expositor ( mesas con elementos típicos de louza, cubertería co argumento de repostería/gastronomia).
   Ademáis o día 3 de febreiro, nos recreos fíxose  un Photocall con alumnos recreando a tradición francesa da Candeloria. E o alumnado de 4º de ESO vendeu crêpes para recaudar fondos para a excursión de fin de curso.
 
 

PARABÉNS AO DEPARTAMENTO DE FRANCÉS!!!! A actividade foi un éxito

   Chegou ao noso centro 3 exemplares do " Libro do Mal Amor " , editado pola Xunta de Galicia e elaborado polo alumnado do IES Laceiro de Lalín xunto a un grupo de escritores e escritoras, ilustradores/as que cos seus haikus contribuiron a esta publicación. Trata dos dereitos das mulleres a vivir sen violencia, igualdade entre mulleres e homes, loita pola xustiza social.

   O 30 de Xaneiro celébrase o Día Escolar  da Paz e non Violencia. No noso instituto celebrámola un día antes, o día 29. Unha data na que debemos recordar que a paz non é só cousa dun día, senón de todos , e temos que axudar a construíla cos nosos pequenos actos de cada día, na convivencia, no respecto a todos e todas, na tolerancia, na diversidade, na tarefa de compartir vivencia xuntos.
   E iso quixemos transmitir todo o alumnado e profesorado do noso centro cun acto no que manifestamos os desexos de paz que todos queremos, que quedan reflexados da seguinte maneira:

  

   Esta é  a Árbore da Paz, na que o alumnado foille colocando as follas coas palabras que simbolizaba para eles a palabra PAZ