A escritora Montse Fajardo estivo o día 20 pola mañán no noso centro realizando diversos actos sobre o seu libro. Unha entrevista coas lectoras do Club de Lectura e unha presentación para o alumnado de 4º da ESO e 1º de Bacharelato. No vídeo podemos ver parte da entrevista do Club de Lectura do IES Chano Piñeiro con Montse Fajardo sobre o seu libro "Invisibles", Xuntanza inserida dentro das actividades polo 25-N pola erradicación da violencia machista. Campaña "Racha o silencio!". Cristina Soto Míguez, Ainara Álvarez Reboredo, Aya Aqid Raddad, Candela Álvarez Abilleira, Inés Álvarez Abilleira, Rocío Canabal Pazos, Lucía Cortizo Fernández

A violencia contra as mulleres non vai contar co noso silencio cómplice. Con esta campaña queremos comprometer a toda a comunidade educativa contra o machismo asasino. Por iso, nesta semana da loita internacional contra a violencia de xénero, o alumnado do IES participou en diversas actividades como poemas, carteis, charlas, vídeos, etc... promovidas polos departamentos, a EDLG, o club de lectura, a biblioteca, etc... para tomar conciencia deste problema tan grave.
Desde o IES, mesmo editouse unha pulseira co lema da campaña que se repartiu gratuitamente entre todas e todos.

O alumnado de 1º e 2º curso de Bacharelato do IES Chano Piñeiro recibiu o segundo premio, dotado con 1.000 euros, grazas ao proxecto “Igualdade no Chano Piñeiro”, unha iniciativa que traballa con valores moi importantes como a detección dos micromachismos ou as referencias que tanto mulleres coma homes perciben. O xurado valorou a claridade dun proxecto innovador, no que se utilizaron os recursos audiovisuais para a transmisión de ditos valores. 
Nestes segundos Premios Provinciais á Xuventude, presentáronse 68 candidaturas nas sete categorías: fotografía orixinal, traballo literario, traballo musical, educación en valores, blogs, iniciativa empresarial e iniciativa social. As obras que se presentaron proveñen de mozas e mozos cunha media de idade de 27 anos e procedentes de 23 concellos da provincia. 

Xornada de convivencia e de conmemorar unha das nosas tradicións populares máis arraigada, con xogos tradicionais e populares no que toda a comunidade educativa se implicou.

Realización do mural proposto e coa colaboración do alumnado de 1º de bacharelato e deseñado pola artista Noemi Núñez dentro do programa DEPURUARTE da Deputación de Pontevedra.

O Clube de Lectura do IES Chano Piñeiro Aproveitou a conmemoración do Samaín no CEIP “Nosa Señora das Dores” para levar a cabo un acto de animación á lectura usando o texto do escritor cerdedense Calros Solla que achega moitas das lendas da nosa comarca: “Almanaque de encantos”.
​Recollemos nun vídeo esa experiencia: