David Otero, Mini e Mero no IES Chano Piñeiro lembrando ao seu amigo Manuel María a quen se lle dedica este ano o día das letras galegas.
Mini e Mero foron quen máis e mellores poemas de Manuel María musicaron porque coñecían persoalmente ao autor e sabían transmitir a mesma mensaxe que pretendía quen creaba estas pezas literarias.
David Otero, poeta e escritor tamén, compartiu con Manuel María moitos faladoiros e os tres amosaron o seu testemuño directo deste grande escritor.

O alumnado de galego de 4º da ESO, guiados polo profesor Xaime Varela, realizaron diversos vídeos que se presentaron neste acto.
Estes vídeos ilustran poemas de Manuel María.

A semana do 22 ao 29  dedicámola a conmemorar o 150 aniversario do noso autor universal e sempre polémico Ramón Mª del Valle-Inclán. Ao igual que Cervantes e Shakespeare  tivo unha vida azarosa e un pouco novelada. Os tres foron protagonistas este ano das actividades que fixemos para o Día do Libro no IES Chano Piñeiro.
Unimos estes tres autores no panel da nosa exposición mesturando obras e citas de todos eles, respectando a lingua inglesa en Shakespeare como unha maneira de celebrar a diversidade lingüística e por ende, cultural.

Este venres 29 de abril, ás 12:35 h. Imos dar comezo ás actividades de conmemoración das letras galegas que este ano renden homenaxe a Manuel María. Neste acto contaremos cun concerto de Mini e Mero, e a intervención do escritor David Otero. Os tres ademais eran grandes amigos do poeta Manuel María, co cal poderán achegarnos a testemuña directa sobre este grande creador galego.
Por outra banda, Mini, comezou a súa carreira docente no concello de Forcarei no que foi un animador cultural.
Mini e Mero é un dúo de cantautores chairegos, formado por Xosé Luís Rivas Cruz (Mini) e Baldomero Iglesias Dobarrio (Mero), músicos, poetas, mestres e investigadores do folclore e a cultura tradicionais galegos, membros históricos de Fuxan os Ventos e actuais compoñentes de A Quenlla.
Ademais da súa produción discográfica cos devanditos grupos, teñen participado por separado ou conxuntamente noutros discos de música galega, como o Quiquiriqui producido no ano 2006 pola Asociación de Gaiteiros Galegos e en obras teatrais como Pan, catro propostas arredor da malla (creación e adaptación musical súa) e publicado diversos libros.
É salientable o seu labor de recompilación de contos, lendas, refráns, ditos ou poemas, principalmente na súa Terra Chá natal e nas zonas onde exercen o seu traballo de mestres: Mesía (Mero) e Boimorto (Mini).
O arquivo sonoro froito deste labor, e composto por milleiros de cintas magnetofónicas, foi cedido ao Museo do Pobo Galego para a súa dixitalización e incorporación ao Arquivo do Patrimonio Oral da Identidade, que ha estar dispoñible no web do museo. No campo educativo son autores de diversos libros de texto de ciencias sociais, naturais e lingua galega para o ensino infantil e primario.
O escritor David Otero vive na Estrada, membro fundador do PEN Clube de Galicia, de Galix (Asc. Galega do Libro Infantil e Xuvenil), da Fundación Castelao e da A. C. O Brado, tamén participa na Fundación Alexandre Bóveda, do Pedrón de Ouro, da Asociación Cultural “Vagalumes”, da Asociación dos Amigos dos Pendellos da Golada, de Nova Escola Galega, da Asociación de Escritores en Lingua Galega e de Irimia. Colaborou na autoría de libros de texto en galego nas editoriais Xerais e Galaxia. Foi codirector da colección Árbore de literatura infantil desta última editorial. Colabora tamén con artigos en diversos medios de comunicación

Pablo Camino vén de axudar na illa de Lesbos a evitar os naufraxios e mortes que acotío se producen no mediterráneo por mor do paso dos refuxiados que tentan atravesalo fuxindo das guerras de Oriente Próximo.
Estivo colaborando coa ong Proactiva Open Arms para atender a chegada de refuxiados que desde as costas turcas tratan de chegar até Europa en embarcacións precarias e baixo o dominio das mafias que os explotan até o punto de poñer en perigo as súas vidas.
O alumnado do IES Chano Piñeiro escoitou atento o relato da súa experiencia e interrogou a Pablo sobre moitas cuestións as que non é doado chegar a través dos medios de comunicación habituais.

Está a chegarnos ao IES Chano Piñeiro información e tamén preguntas sobre os emigrantes da nosa comarca por terras do Brasil.
A última que chegou é a de Severino Gómez Guinarte. O seu neto achéganos a documentación que aquí acompañamos.
Pregamos a todas as persoas que nos poidan axudar en saber máis de nós polo Brasil se poñan en contacto con nós no noso enderezo da biblioteca. biblioteca@ieschp.com

   Para este venres, 29 de abril, terá lugar no centro en horario de 11:45 a 14:15 un Taller de Programación Creativa en Igualdade, que forma parte do programa " Donas de Sí " do Plan Proxecta
   Irá dirixido ao alumnado de 1º da ESO.
   Está  organizado pola Secretaría Xeral da Igualdade en colaboración co Instituto da Muller e para a Igualdade de Oportunidades

   Este ano ademais de ser o IV Centenario da morte de Miguel de Cervantes e William Shakespeare , celébrase o 130 aniversario do nacemento de Ramón Mª del Valle-Inclán.
   Para celebralo fixemos unha pequena  exposición do autor galego na  Biblioteca, onde aparecen as súas etapas máis representativas, con títulos coñecidos por todos e descoñecidos por poucos. Outro concurso proposto é a tradución do discurso de Polonio a unha ou varias linguas curriculares, agás o inglés, lingua na que aparece o texto.
   Na elaboración do panel e da infografía colaboraron o alumnado de 4ºESO e 4ºPDC. Así mesmo, agredecemos a colaboración do Departamento de Lingua Inglesa na escolla de textos e redacción da proposta.
   A semana do 25 ao 29 de abril recolleremos as respostas dos concursos para ofrecerlles un doce agasallo , ademáis dun libro.

   Todo  o alumnado do IES Chano Piñeiro disfrutaron o venres, 22 de abril, dun concerto de Uxía e Narf, para presentar o seu disco " Baladas da Galiza Imaxinaria ".
   Este  concerto sirviu por adiantado para celebrar o Día das Letras Galegas, que este 17 de maio se adica o poeta Manuel María

   Durante toda esta semana, do 18 ao 21 de abril, a Biblioteca organiza un mercadillo solidario.
   Estará aberto nos recreos.
   Conta coa participación de alumnos/as e profesorado.
   O obxectivo é fomentar e transmitir entre o alumnado valores como a solidariedade.
   Os beneficios irán destinados para unha acción social.

Dentro do proxecto Brasil 2016 do IES Chano Piñeiro imos tratar de saber algo máis sobre a emigración da nosa comarca a ese inmenso país. Para iso imos expoñer algunha das fichas de homes e mulleres de Cerdedo e Forcarei que tiveron que atravesar o atlántico en busca dunha vida mellor.
O obxectivo é tomar conciencia dos vencellos que temos con esa Terra, como desde os recantos máis afastados da nosa Galiza hai xentes que están en contacto con esa realidade a través de fillos, irmáns, e demais parentes que aló foron e, sobre todo, decatarse do impacto terríbel que tivo e ten a emigración ao comprobar a grande dimensión deste fenómeno no noso país. Compre ter conta que non é precisamente Brasil un dos países que levasen grande masa migratoria da nosa veciñanza, e aínda así a través desta recollida é posíbel ver até que punto chegou esta.