Estíbaliz Espinosa uniu este luns en Forcarei música, poesía e feminismo a través do programa da Deputación de Pontevedra "Mulleres en acción. Violencia zero"
A escritora e música Estíbaliz Espinosa foi a protagonista da vixésimo segunda acción desta cuarta edición de "Mulleres en acción. Violencia zero", programa organizado pola Deputación de Pontevedra, que tivo lugar este luns en Forcarei, ás 12.35.horas.
A acción artística 7 constelacións que xa non son invisibles de Estíbaliz Espinosa combinou poesía e música a través da astronomía, buscando a constelación que une ciencia, poesía e muller. Estíbaliz Espinosa é unha artista que escribe poemas e ensaios baixo a aurora da ciencia, nomeadamente a astronomía. Ten publicados 7 libros de poemas, entre eles, Curiosidade (Aira Editorial), As neuronas irmás (Arte de Trobar), Zoomm. Textos biónicos (Xerais), Papel a punto de (El Gaviero).

Por que temos apelidos?

• Os apelidos xorden da necesidade de identificar as persoas e vinculalas á súa familia.
• Constitúen unha parte moi importante do patrimonio inmaterial do noso país.

Cando se orixinaron os nosos apelidos actuais?

• Na Idade Media.

Que indican os nosos apelidos?
Poden ser de tres tipos:

• Patronímicos, que identifican as persoas dicindo de quen son fillas.
• Toponímicos, que identifican as persoas polo seu lugar de procedencia.
• Caracterizadores, que identifican as persoas por un trazo particular (profesión, aspecto físico, alcume...)

Alumnado do IES Chano Piñeiro presentou un traballo ao certame de curtas PANIC. Baixo a dirección de David Obelleiro (1º Bach), a edición de Alfonso Alonso (1º Bach). Interviron Eider Espiña (2º Bach.) e Paula Jorge (1º Bach.).
A calidade deste primeiro traballo que fan pode comprobarse aquí nesta páxina, como xa o fixeron os espectadores e espectadoras da Estrada na proxección dos cines dese Concello, tendo moi boa acollida no público.

Lembrando a tradición tan nosa da Candeloria e o casamento dos paxaros quixemos, máis un ano, traballar neste marco as relacións persoais e a necesidade de enfrontalos do xeito máis san e racional posíbel para o ben das persoas afectadas. O amor, que é o sentimento máis positivo que posúe o ser humano, mais tamén pode ser causa de dor e de conflitos se non se traballa e administra axeitadamente de maneira construtiva. 
Participa coa túa carta. Prazo de entrega até o 24 de febreiro no correo: biblioteca@ieschp.com
Valorarase a orixinalidade do contido e os valores que difundan a favor dunha relación sa e igualitaria.

Con motivo da visita do cadro “A Derradeira lección do mestre”, unha das pezas máis representativas da nosa cultura e significativas da nosa historia, o IES Chano Piñeiro está a desenvolver unha serie de actividades sobre o seu autor, Castelao, que rematarán coa visita a exposición que con este motivo de mostrar esta obra ten lugar na Cidade da Cultura en Santiago de Compostela e que terá lugar o vindeiro xoves 31 de xaneiro.

Temos levado a cabo xa durante este mes o roteiro Castelao por Pontevedra a visita ao Museo Provincial o día 16, a exposición na biblioteca dos albumes de guerra e a exposición nos corredores dos paneis “Castelao en Terra de Montes” realizada pola Asociación Rapa das Bestas de Sabucedo.

A visita a Santiago de Compostela terá ademais un claro carácter de sensibilización e coñecemento sobre o noso rico patrimonio, na que compre sinalar a visita guiada ao Pórtico da Gloria recentemente restaurado. É unha oportunidade histórica que proporcionamos ao alumnado do noso IES e que agardamos sexa do agrado de toda a comunidade educativa.
Haz clic aquí para editar.

Máis un ano  calendario Nomes de Terra de Montes. Esta volta é a quenda de Cerdedo. Os seus nomes e tamén os seus bens, para lembrar día a día toda a beleza e riqueza patrimonial que posuímos na nosa Terra. Felix ano 2019.

Hai 70 anos, un 10 de decembro, proclamábase a Declaración Universal dos Dereitos Humanos na ONU. Con ese motivo fixemos unha serie de actividades de concienciación das consecuencias da vulneración dos Dereitos Humanos coa lembranza do que significou os campos de exterminio. Algo por moi alleo que nos poida parecer, compre recordar que veciños da nosa comarca como Martiñó Ferreiro remataron a súa vida en Mauthausen-Gusen.
No IES expuxemos nunha primeira escaleira, unha reprodución da escaleira da morte do campo de Mauthausen na que máis de 7000 persoas do Estado Español estiveron. Na segunda escaleira, a escaleira da vida erguémonos sobre esta terríbel situación para elevarnos a través dos 30 artigos dos dereitos humanos até a dignidade.

A escritora Montse Fajardo estivo o día 20 pola mañán no noso centro realizando diversos actos sobre o seu libro. Unha entrevista coas lectoras do Club de Lectura e unha presentación para o alumnado de 4º da ESO e 1º de Bacharelato. No vídeo podemos ver parte da entrevista do Club de Lectura do IES Chano Piñeiro con Montse Fajardo sobre o seu libro "Invisibles", Xuntanza inserida dentro das actividades polo 25-N pola erradicación da violencia machista. Campaña "Racha o silencio!". Cristina Soto Míguez, Ainara Álvarez Reboredo, Aya Aqid Raddad, Candela Álvarez Abilleira, Inés Álvarez Abilleira, Rocío Canabal Pazos, Lucía Cortizo Fernández

A violencia contra as mulleres non vai contar co noso silencio cómplice. Con esta campaña queremos comprometer a toda a comunidade educativa contra o machismo asasino. Por iso, nesta semana da loita internacional contra a violencia de xénero, o alumnado do IES participou en diversas actividades como poemas, carteis, charlas, vídeos, etc... promovidas polos departamentos, a EDLG, o club de lectura, a biblioteca, etc... para tomar conciencia deste problema tan grave.
Desde o IES, mesmo editouse unha pulseira co lema da campaña que se repartiu gratuitamente entre todas e todos.