O día 1 de decembro o alumnado de 1º de bacharelato e de 4º da ESO pasou a mañá en Pontevedra, nunha actividade organizada polo Departamento de Lingua Galega, co obxectivo de realizar o roteiro Castelao e de visitar o Museo, especialmente as salas dedicadas ao xenial artista, político e escritor, que aínda que era rianxeiro de nacemento, sentíase tamén pontevedrés, pois foi na cidade de Pontevedra onde pasou os mellores anos da súa traxectoria vital e profesional.
En primeiro lugar, efectuamos a visita guiada ao Museo, en cuxa creación tivo Castelao un papel destacado. Alí visitamos a sala Castelao, onde está exposta parte da obra pictórica e gráfica do autor (non debemos esquecer que aínda unha parte moi importante do seu legado artístico non está á vista do público). Alí o guía comentounos diferentes aspectos da vida de Castelao e das súas facetas de pintor, ilustrador, literato, dramaturgo, gravador e político.
Ademais, aproveitando a nosa estadía no Museo, visitamos tamén outras salas, como a dedicada ao violinista pontevedrés Manuel Quiroga e tamén a de arqueoloxía, onde quedamos asombrados ollando o Tesouro de Caldas.
Despois do Museo, comezamos o roteiro. O guía, que resultou ser ben ameno e simpático, foi seguindo os pasos de Castelao por Pontevedra e falou da figura do artista na cidade, ao tempo que aproveitou para recordar tamén outros fitos da historia pontevedresa. En Pontevedra hai moitos lugares que gardan pegadas da súa relación directa coa vida e a obra de Castelao ao longo dos case 20 anos que pasou alí, sempre comprometido coas actividades culturais e co traballo político en defensa de Galiza. Ao final da actividade, o Concello de Pontevedra agasallounos a todos e todas cun pequeno libro onde se explica, con textos e debuxos, o itinerario do roteiro.
E, sen tempo para o descanso, fíxosenos hora de coller o autobús, porque tiñamos que chegar ao instituto para o xantar. Malia o cansazo e a chuvia que nos mollou nalgún momento, pasámolo moi ben e aprendemos moitas cousas.
En primeiro lugar, efectuamos a visita guiada ao Museo, en cuxa creación tivo Castelao un papel destacado. Alí visitamos a sala Castelao, onde está exposta parte da obra pictórica e gráfica do autor (non debemos esquecer que aínda unha parte moi importante do seu legado artístico non está á vista do público). Alí o guía comentounos diferentes aspectos da vida de Castelao e das súas facetas de pintor, ilustrador, literato, dramaturgo, gravador e político.
Ademais, aproveitando a nosa estadía no Museo, visitamos tamén outras salas, como a dedicada ao violinista pontevedrés Manuel Quiroga e tamén a de arqueoloxía, onde quedamos asombrados ollando o Tesouro de Caldas.
Despois do Museo, comezamos o roteiro. O guía, que resultou ser ben ameno e simpático, foi seguindo os pasos de Castelao por Pontevedra e falou da figura do artista na cidade, ao tempo que aproveitou para recordar tamén outros fitos da historia pontevedresa. En Pontevedra hai moitos lugares que gardan pegadas da súa relación directa coa vida e a obra de Castelao ao longo dos case 20 anos que pasou alí, sempre comprometido coas actividades culturais e co traballo político en defensa de Galiza. Ao final da actividade, o Concello de Pontevedra agasallounos a todos e todas cun pequeno libro onde se explica, con textos e debuxos, o itinerario do roteiro.
E, sen tempo para o descanso, fíxosenos hora de coller o autobús, porque tiñamos que chegar ao instituto para o xantar. Malia o cansazo e a chuvia que nos mollou nalgún momento, pasámolo moi ben e aprendemos moitas cousas.
Feed RSS
