Visita a planta de tratamento de resíduos de Nostián

Onde vai parar o noso lixo?

Asistimos en directo ao tratamento que se lle dá ao lixo que xeramos e coñcemos o proxecto que se desenvolve nesta planta. Tomamos así conciencia do problema de non reducir a produción de lixo, as dificultades para a súa reciclaxe e reutilización e, sobre todo, a gravidade de non atopar xeito axeitado de eliminar e almacenar a grande cantidade do lixo que non é reciclábel.

O modelo de xestión de residuos domésticos implantado polo concello da Coruña e o Consorcio das Mariñas, do que forman parte o concello da Coruña e 8 concellos da área metropolitana da Coruña (Abegondo, Arteixo, Betanzos, Cambre, Carral, Culleredo, Bergondo e Oleiros), ten como destino dos residuos domésticos xerados a Planta de tratamento de residuos da Coruña situada no concello de Nostián (A Coruña), de aquí en adiante denominada Nostián.
A planta recibe dúas fraccións principais: a fracción inorgánica (resto e envases) e a materia orgánica recollida selectivamente. Para o tratamento destas fraccións a planta consta de dous grandes módulos:

• Planta de triaxe, clasificación e maduración da fracción inorgánica: mediante distintas técnicas de separación procédese á triaxe e clasificación individual dos residuos susceptibles de ser reciclados.
• Planta de tratamento da fracción orgánica: nesta planta aplícanse tecnoloxías de biometanización e compostaxe aerobio para esta fracción.

Os rexeitamentos desta instalación son dirixidos a un vertedoiro autorizado externo.
Actualmente esta planta é xestionada por ALBADA.