Que pasa co noso lixo?
Na visita ao Complexo de Sogama en Cerceda que fixemos co alumnado de 1º e 3º de ESO na mañá do venres 20 de outubro puidemos ver o camiño que fai o lixo dende que depositamos nos colectores verde (xenérico) e amarelo (envases de plástico, latas e bricks). En Cerceda é a onde van parar os residuos das bolsas negra e amarela de case 300 concellos de toda Galicia.
Logo de hora e media de camiño no autobús, chegamos ás instalacións de SOGAMA onde nos explicaron que é o que fan nelas: clasificar o lixo do colector amarelo para logo envialo ás empresas recicladoras, e eliminar a humidade do lixo do colector xenérico para logo incineralo. Ademais, tamén fixemos un recordatorio de onde debemos depositar cada tipo de residuo.
Por último, realizamos unha visita polas instalacións, onde puidemos ver o foso onde se acumula a enorme cantidade de lixo que producimos, a planta onde se clasifican os distintos tipos de envases do colector amarelo, os grandes sacos brancos onde se almacenan as cinsas resultantes da incineración do lixo, etc.
Con esta visita pretendemos ser máis conscientes da gran cantidade de lixo que producimos e tamén estar máis informados do camiño que fai o mesmo despois de depositalo no colector xenérico ou amarelo, porque canta máis información teñamos, mellor poderemos decidir e actuar consecuentemente.
Logo de hora e media de camiño no autobús, chegamos ás instalacións de SOGAMA onde nos explicaron que é o que fan nelas: clasificar o lixo do colector amarelo para logo envialo ás empresas recicladoras, e eliminar a humidade do lixo do colector xenérico para logo incineralo. Ademais, tamén fixemos un recordatorio de onde debemos depositar cada tipo de residuo.
Por último, realizamos unha visita polas instalacións, onde puidemos ver o foso onde se acumula a enorme cantidade de lixo que producimos, a planta onde se clasifican os distintos tipos de envases do colector amarelo, os grandes sacos brancos onde se almacenan as cinsas resultantes da incineración do lixo, etc.
Con esta visita pretendemos ser máis conscientes da gran cantidade de lixo que producimos e tamén estar máis informados do camiño que fai o mesmo despois de depositalo no colector xenérico ou amarelo, porque canta máis información teñamos, mellor poderemos decidir e actuar consecuentemente.
Feed RSS
